Garðlist - Trjáklippingar - Garðsláttur - Beðahreinsun - Stubbatæting - Garðaúðun - Þökulagnir - Garðasláttur

Vorhreinsun

10. maí 2012

Á þessum tíma er mikil eftirspurn eftir vorhreingerningu í garðinum enda sólin farin að láta sjá sig oftar og dagurinn lengist enn frekar. Hjá Garðlist vinna hreinsunarhópar hörðum höndum þessa dagana, sem og alltaf, við að hreinsa. Starfsmenn okkar hreinsa beð, stéttar, lóðir, leiksvæði og svo mætti lengi telja. Okkur þykir mikilvægt að hafa okkar nánasta umhverfi hreint og fallegt svo ekkert er okkur undanskilið.

Moltuhaugur í garðinn

04. maí 2012

Mikil vakning hefur verið á „grænum leiðum“ til að gera garðinn frjórri og flottari og eru margir farnir að nota fallin lauf og annan úrgang úr garðinum til að næra beðin og þar með plönturnar. Hér eru leiðbeiningar til að búa til svokallaðan moltuhaug í garðinum án þess að hafa mikið fyrir honum.

Forræktun grænmetis

12. apr 2012

Sumarið á Íslandi er stutt svo góð leið til að flýta fyrir uppskeru á heimaræktuðu grænmeti er að forsá grænmetisfræum. Við hjá Garðlist mælum sérstaklega með því að nota góða sáðmold í bakkana og passa sérstaklega uppá raka og hitastig. Góð leið til þess er til dæmis með því að leggja dagblöð yfir bakkana á meðan spýrurnar eru að koma upp og vökva vel og sjaldnar frekar en oft og lítið. Mikilvægt er að kanna rakastig reglulega með því að stinga fingri ofan í moldina.

Annað sem er mikilvægt er birta. Þó ekki beint sólarljós til að byrja með því það getur brennt spýrurnar. Fæin spýra svo við um 15°C. Þegar komin eru um fjögur lauf á hverja plöntu skal skipta plöntum niður í bakka með venjulegri gróðurmold. Í byrjun Júní eru svo grænmetisplönturnar færðar út í beð. Gott er þó að venja þær við með því að fara með þær út að morgni og taka þær inn að kvöldi. Þetta styrkir plönturnar og kemur í veg fyrir kuldaskemmdir í byrjun ræktunar.

Best er að velja skjólsælan og sólríkan stað fyrir plönturnar í garðinum og nota lífrænan áburðargjafa á við þurrkaðan hænsnaskít. Þá er gott að vera búinn að hreinsa beðin áður en sett er í þau. Nú er sumarið handan við hornið svo það eru um að gera að byrja á forræktun áður en apríl er á enda.

Nú er tíminn til að klippa tré og runna

07. mar 2012

Nú er tíminn fyrir Trjáklippingar Við hjá Garðlist teljum að besti tíminn til að klippa ársvöxtinn sé á veturna meðan gróðurinn er í sem mestri hvíld enda er þá greinabygging gróðursins betur sýnileg en á gróðri sem er í fullum skrúða. Einnig er þetta góður tími til þess að móta trjágróður. Ef garðurinn er klipptur á haustin eða snemma vors má einnig njóta þess að hafa nýklipptan garðinn mun lengur og þar að auki verður garðurinn tilbúinn fyrir sumarið.

Hugað að gróðursetningu vorlauka

07. mar 2012

Nú er tíminn.

Nú fara að birtast ýmsar tegundir vorlauka í garðyrkjuverslunum. Þar má nefna begoníur og alls kyns framandi liljur. Því er um að gera að velta fyrir sér hvernig skal hafa garðinn í sumar og veita honum alls kyns litbrigði með fallegum plöntum.

Tvö góð ráð gegn mosa

12. sep 2011

Þegar líða tekur á haustið er að ýmsu að huga í garðinum. Undirbúa þarf garðinn vel fyrir veturinn og hér eru tvö góð ráð um hvernig hægt er að undirbúa grasflötina.

Haustverkin

01. sep 2011

Nú þegar sumri hallar og spretta trjágróðurs er næstum engin er góður tími til þess að klippa allflestar trjátegundir í garðinum. Ef garðurinn er klipptur að hausti til má njóta þess allan veturinn og langt fram á vor að hafa garðinn vel klipptan og tilbúin fyrir sumarið.

Sumar klipping og beðahreinsun

22. júl 2011

Síðla sumars er gott að yfirfara beðin. Mikilvægt er að umhirða beða fari fram reglulega yfir sumartímann, með reglulegri umhirðu má koma í veg fyrir mikinn arfa vöxt í beðum. Fjölgunarárhrifin verða margföld þegar arfi er látinn vaxa óáreittur, og því er gott að hreinsa arfa úr beðum reglulega.

Ný heimasíða fer í loftið

11. júl 2011

Nú hefur Garðlist ehf opnað nýjan vef. Vefurinn hefur að geyma mikið af upplýsingum varðandi þjónustuna sem fyrirtækið veitir ásamt því að innihalda ganglegar upplýsingar varðandi viðhald á görðum.

Það er mikið búið að ganga á hjá Garðlist ehf á þessu ári, í lok febrúar síðastliðnum festum við kaup á nýju húsnæði við Tunguháls 7 í Reykjavík og fluttum í það á mánuðunum sem á eftir komu.

Garðaúðun

09. júl 2011

Algengast er að úða fyrir maðki og lús en þessar tvær óværur éta blöðin og gera það að verkum að blöðin verða ljót og geta eyðilagst. Ekkert gagn er af garðúðun gegn lifrum fyrr en þær fara að skríða um.

Nú er tíminn

11. maí 2011

Hreinsunarteymi Garðlistar samanstanda af starfsmönnum sem eru mjög vel þjálfaðir og hafa mikla reynslu af beðahreinsunum . Við leysum öll verk fljótt og vel af hendi og erum alltaf með ný og góð tæki með okkur. Einnig gætum við þess að skilja vel við umhverfi þeirra garða sem við hreinsum. Sópum og blásum stéttar og gangstíga af mold og öðrum garðaúrgangi. Að verki loknu tökum við með okkur allan garðúrgang.

Hvað er garðyrkja?

11. maí 2011

Íslensk orðabók skilgreinir garðyrkju sem; garðrækt, ræktun garðávaxta, trjáa, runna og annarra plantna til matar, skrauts eða annarra nytja. Umhirða garða byggist á verkkunnáttu og þekkingu á umhirðu plantna, svo sem vökvun, áburðargjöf og klippingu.

Gróður er undirstaða lífsins á jörðinni og nýtir orku sólargeislanna til að vinna kolefni úr loftinu og breyta ólífrænum í lífræn...

Vorið liggur í loftinu

24. feb 2011

Svo nú er komin tími á að láta klippa trjágróður fyrir vorið.

Núna er besti tíminn fyrir trjáklippingar, tré og greinabygging þeirra er þá greinilegust og auðvelt að móta gróður og hreinsun eftir klippingar verður einnig mun auðveldari sem minnkar þann tíma sem fer í að klippa.

Ekki detta, láttu salta !!!

08. feb 2011

Núna spáir veðurstofan mikilli rigningu og hlýnun á landinu og því má búast við því að plönin geti orðið að einu svelli og þess vegna vildum við láta ykkur vita að við erum líka með hjá okkur vél sem saltar plön.

Endilega ef ykkur vantar aðstoð við að salta, hafið samband við okkur í síma 554-1989 eða með því að senda okkur póst.

Stubbatæting

26. jan 2011

Stubbatæting (stubbafræsun) hentar mjög vel fyrir þá sem vilja losna við trjástofna úr garðinum eftir að búið er að fjarlægja tré. Trjástofninn er þá tættur niður fyrir jörðina og hægt er að koma því þannig við að ekki sé hægt að sjá að nokkurn tíma hafi verið stubbur í garðinum.

Talsvert um sitkalús í Greni þennan veturinn

25. mar 2010

Sitkalús hefur síðastliðin ár aukist til muna í grenitrjám. Lúsin leggst ekki í dvala á veturna og heldur áfram að eyðileggja trén. Sitkalúsina má þekkja á fagur grænum lit hennar og hana má finna neðan á barri grenitrjáa. Sitkalúsin sígur safa úr barrnálum. Það gerir að verkum að barrið verður brúnt og dettur af. Lúsin leggst fyrst á innsta barrið við trjástofninn og vinnur sig síðan út með trénu, af þessum sökum verður fólk oft á tíðum ekki vart við lúsina fyrr en á vorin þegar trén eru búin að missa nánast allt barrið, af þessum sökum er mikilvægt að fylgjast vel með barri grenitrjáa og þá sérstaklega á haustin þegar trén fara að búa sig undir veturinn,á þeim tíma er best að úða trén við Sitkalúsinni. Með því að úða fyrir lúsinni á haustin er hægt að koma í veg fyrir að hún haldi áfram að eyðileggja trén. Með góðu eftirliti og úðun eftir þörfum ætti tréð að ná að komast í sitt upprunalega horf.

Við hjá Garðlist munum vera að úða fyrir Sitkalúsinni næstu daga. Endilega hafið samband við okkur ef þið eruð með grenitré í síma 554-1989 eða Garðaúðun

Til hamingju

08. mar 2010

Um helgina tók Garðlist ehf þátt í sýningu sem stóð yfir í Vetrargarðinum í Smáralind. Við viljum þakka öllum sem kíktu til okkar í heimsókn og þeim sem tóku þátt í happdrættinu hjá okkur.

Viðhald 2010

02. mar 2010

Garðlist ehf. tekur þátt í sýningunni Viðhald 2010 sem haldin verður í Vetragarðinum í Smáralind dagana 5. - 6. mars. Á sýningunni Viðhald 2010 mun fjöldi fyrirtækja og opinberra aðila gefa upplýsingar um allt sem lýrur að viðhaldsmálum.

Ræktun græðlinga

02. mar 2010

Við ræktun græðlinga af víði er fyrsta skrefið að klippa græðilingana. Mælt er með því að klippa græðlingana snemma vors og stinga þeim niður, þegar frost er að fara úr jörðu. Búast má við því að eftir því sem að líður fram í sumarið beri stunga græðlinga verri árangur. Gott er að miða við að nota ekki of granna sprota, margir miða við blýantsþykkt.

Trjáklippingar fyrir góðgerðafélög

16. feb 2010

Í febrúarmánuði býðst góðgerðafélögum tækifæri á því að fá veittan styrk hjá Garðlist í formi niðurgreiðslu á trjáklippingum.

Garðlist vill hvetja öll góðgerðafélög til þess að hafa samband og kynna sér málið.

Upplýsingar er hægt að nálgast á skrifstofu Garðlistar í síma 554-1989, með tölvupósti á gardlist@gardlist.is eða með því að smella hér: Trjáklippingar

Nú er tíminn fyrir Trjáklippingar

01. feb 2010

Aðal klippingartíminn er að vetri meðan gróðurinn er í sem mestri hvíld enda er þá betur hægt að átta sig á vaxtarlaginu en á gróðri sem er í fullum skrúða. Með því að klippa árlega á markvissan og ákveðinn hátt næst betri ræktunar árangur. Réttar trjáklippingar getur gefið gróðri meira notagildi og þá er hægt að njóta hans betur. Ef garðurinn er klipptur á haustin og veturna má einnig njóta þess lengur að hafa nýklipptan garðinn og þar að auki er garðurinn þá tilbúinn fyrir sumarið.

Gleðilega hátíð

22. des 2009

Við óskum viðskiptavinum okkar gleðilegrar hátíðar og þökkum viðskiptin á árinu sem er að líða.

Það er bjart framundan

16. nóv 2009

Nú hefur Garðlist hafist handa við að setja upp seríur og ekki seinna vænna að hafa samband hafir þú áhuga á því að láta sjá um þetta fyrir þig, fyrirtækið eða húsfélagið.

Frábær tími fyrir trjáklippingar

03. nóv 2009

Með reglulegum trjáklippingum er hægt að stýra vexti trjágróðurs, umfangi og hæð. Aðalklippingartíminn er um garð genginn og á þessum tíma þegar lauf hafa fallið er gott að átta sig á vaxtarlagi trjágróðursins og því mjög góður tími til þess að móta trén. Ef garðurinn er klipptur á þessum tíma má njóta þess allan veturinn og langt fram á vor að hafa garðinn vel klipptan og tilbúinn fyrir sumarið.

Mikilvægast er þó að rétt sé staðið að klippingum trjágróðurs, rétt klipping dregur úr skaða af völdum sára og því er mikilvægt að rétt sé staðið að verkinu. Með réttri klippingu er hægt að hafa áhrif á meðal annars uppskeru berja og blómgun.

Við viljum hvetja alla þá sem vilja láta klippa garðinn hjá sér að panta strax, hægt er að panta hér á síðunni, Trjáklippingar og í síma 554-1989.

Laufhreinsun

20. okt 2009

Á haustin er nauðsynlegt að halda arfa í skefjum og laufi sem oft vill safnast fyrir á grasflötinni og í beðum. Á haustin og á vorin er grasflötin mjög viðkvæm fyrir og því nauðsynlegt að hlífa henni fyrir óþarfa átroðningi til þess að ekki myndist sár í grasflötinni. Gaman er að hafa vel snyrtan garðinn allan veturinn og garðurinn er þá nánast tilbúinn fyrir sumarið.

Klippum trjágróður á haustin

01. sep 2009

Sumar klipping og beðahreinsun

26. júl 2009

Slátturinn í áskrift

22. maí 2009

Kostirnir við að slá reglulega yfir sumarið eru m.a. þeir að mosamyndun minnkar í grasinu og hæð grassins helst jöfn yfir allt sumarið en við það verður grasflöturinn mun fallegri.

Kæri Nágranni

07. maí 2009

Nýjasta auglýsing Garðlistar hefur vakið alveg gríðarlega góð viðbrögð. Margir hafa tekið sér svolítinn tíma í að átta sig á því frá hvaða nágranna bréfið hefur verið sent og mikið af skemmtilegum símtölum hafa borist á skrifstofuna um nágranna sem hafa verið að ræða saman um bréfið og hafa síðan skellt upp úr þegar þeir uppgötvuðu að um auglýsingu var að ræða. Þannig hefur "Sigga á 3. hæðinni" oftar en ekki verið löngu flutt og hver þessi "Gunnar" sé sem hafi verið að fella trén.